Металлолом: Президент қарори ижроси Дўстлик туманида қачон амалга ошади?

Маълумки, Ўзбекистон Президенти Шавкат Мирзиёевнинг 18 декабрдаги «2018 йилда металллом тайёрлаш, қора металл прокатини ишлаб чиқиш ва истеъмол қилиш тўғрисида»ги қарори асосида таълим ва тиббиёт муассасалари учун металлолом ва қора металлар чиқиндиларини йиғиш ва топшириш бўйича вазифа юклаш тақиқланган эди.

Дўстлик туманидаги 3-сонли мактабгача таълим муассасасида ходимларга эса 2018 йил учун киши бошига 130 кг дан металлолом топшириш буюрилибди. Бир кг металл 1000 сўм бўлса, металлолом «солиғи» 130 минг сўмга тушаяпти. Боғчада ишлаётган ходиманинг менга айтишича, мудира ҳамшира орқали шу топшириқни берган.

Боғча ходималари бу ҳақда прокуратура органларига айтишга, ўзларига гап тегишидан қўрқишади. Бу бўйича таълим муассасалари ходимлари ўртасида тушунтириш ишларини олиб бориб, ҳуқуқ ва манфаатлари давлат ҳимоясида экани, бу каби ҳуқуқлар бузилганда кимларга қандай тартибда мурожаат қилиш, мурожаатлар анонимлиги сақланиши айтилиши керак. Акс ҳолда Президент қарори оддий ҳужжатлигича қолиб, қуруқ гапдан нарига ўтилмайди.

Санжар Саид

7 комментариев

  1. Ассалому алайкум. Азиз юртдошлар, келинглар, «бир мартагина» Президент қарорини бажармасак бажармай қўяқолайлик. Биргаликда савоб ишга қўл урсак нима дейсизлар? Ўша тилга олинган Дўстлик туманидаги 3-сонли МТМ ходимлари номидан 8 тонналик ош кетадиган қозонни металлоломга топшириб юборайлик. Бир ўқ билан икки қуённи урамиз — ҳам МТМ ходимлари металлолом қарзидан қутилади. Ҳам бачкана ОШ ПОЙГА си барҳам топади.

  2. Бу масалага жиддий караш керак. Качонгача хокимлар металлом учун шахсан жавоб беради? Нукул туман-шахар хокимларини айблайвермасдан вазирларга инсоф сурайлар! «Нима килиб металлом топширасан- Мен билмайман!!! Мендан хам талаб килишяпти, Деб тургандан кейин бош олиш бошланадида бу конун ишламас жамиятда!!

    1. Холисжон(ёки «хон»), айтингчи, вазирдан ким талаб қиляпти экан? Ёки вазир ўқитувчи ва ҳамширадан талаб қил деяптимикин?
      Айтганча, Қашқадарёга Президент келаркан, кечадан бошлаб Ғузор ҳокими Фозилжонни пайтавасига қурт тушиб, ЎҚИТУВЧИЛАРГА ҚАРШИ- ҒУЗОР йўлини тозалатаяпти.

  3. Дустлик туманида январь ойининг ярмидан бошланган хафтада укитувчи ва богча ходимларини куча ва катта йул (бетонка) буйларини тозалатишганини курмадингизда, одамлар…
    Металлолом хам таълим муассасаси ходимларига турли кг дан килиб солик солинган.
    Хуллас эски тос, эски хаммом. Амалдорларга эса «5+».

  4. Металлолом тизимини кайта куриб чикиш керак. Бу тизим жуда эскирган «совет» давридаги тизим. Ислох зарур.
    Кичик булсада таклифим: Металлолом билан шугулланувчи ташкилот (булинма) тузилиш керак ва улар вазифасига ахолига тушунтириш ишларини олиб бориш, металлоломни «кадрли»рок нархларда кабул килиш, махаллаларда металлоломни кабул килиш ва саклаш омборини ташкил этиш каби ишлар киритилиши лозим. Одамларда шундай фикрлашни ривожлантириш керакки, катта ва кичиклар уйларидаги темир ва металл парчаларини «саклаб» утирмай(бирон корга яраб колар демай) топширишсин. Бу иш йил давомида олиб борилсин.

  5. Кеча Дустликдаги бир МТМ даги якинимдан сурадим. Богча барибир металлолом йигяпти, кизиги шу металлоломни «бошкалар» топшириб келяпти. Сабаби, топширди деган когозга МТМ номи тушмаслиги керак экан. МТМ эса барибир металлолом йигишга мажбур. Кузбуямачиликнинг «фанга номаълум» вариантига койил! Яшанглар амалдорлар, койил, сизларга «5 бахо». Ривожланиш бор хархолда. Кинодаги гап эсга тушади: «Прогресс бор, аваллари таппининг узини ёкардик, хозир соляркага белаб ёкяпмиз»…

Изоҳ қолдириш

Ваш e-mail не будет опубликован. Обязательные поля помечены *