Леса

Яқинда леса ясаттирдим. Расмдаги эмас, бошқача. Озгина тўпорироқ, аммо пишиқ. 3-4 одамни ҳам кўтаради. Сувоқчилар ва бошқа турдаги усталарга керакли нарса. 5 дақиқада йиғиб ишлатаверасиз, бир-бирига кийилади. “Детский конструкция”га ўхшаш.

Лесанинг бир комплектининг бир кунлик ижараси 1,5 минг сўм туради. 10 комплекти 15 минг. Бир ойда 450 минг. Дам олиш кунлари чиқариб ташланса, 400 мингча топиш мумкин.

10 комплект леса 3600000 сўмга тушди. Агар 20-30 комплект ясаттирсам, 7200000-108000000 сўмга тушарди. Мутаносиб равишда ҳисобласак, уларни ижарага бериб ойига 800-1200 минг сўм топиш мумкин.

Бизда олий маълумотли мутахассислар давлат ишида одатда 1,3-1,6 млн сўм маош олади. 1 млн оладиганлари ҳам топилади. Янги ишга кирган ёш дўхтир, ўқитувчи, инженерлар шарт-шароитга қараб ойига 500-700 минг олади.

Ўйлаб кўрсам, миллионлаб пул сарфлаб 4-7 йил ўқиган олий маълумотли мутахассис 8-10 млн сарфлаб йигирма кунда ясалган леса билан бир хил миқдорда пул топар экан.

Агар “ишлаб топаётган маблағинг жамиятга келтираётган фойдангнинг баҳосидир” деган мезон билан ёндашсак, янада истеҳзоли хулоса чиқади: 200 метр темир-терсак олий маълумотли мутахассис билан тенг фойда келтиряпти.

PS. Леса ясаттирганим рост. Керак бўлса, шахсийга алоқага чиқинг.

Шукуржон Исломов

Изоҳ қолдириш

Ваш e-mail не будет опубликован. Обязательные поля помечены *