Барча ҳокимлар, “каттакон”лар ўқисин!

Жаҳонгир Ортиқхўжаев қачон “Ўзбекистон – келажаги буюк давлат” бўлишини кўрсатиб қўйди. Тошкент шаҳри ҳокими Жаҳонгир Ортиқхўжаев коррупция борасида барчани огоҳлантирди:

«Ҳокимликлар, айёр ўйинлар қилишни бас қилинг! Яна бир бор огоҳлантираман. Ер берилиши шаффоф ва коррупциясиз бўлиши керак. Менга ва командамга пора керакмас. Ёки Президентимизни тушуниб, елкама-елка ёнида туриб, катта мақсадимизга бирга эришамиз, халқни рози қиламиз, ёрқин келажагимизни яратамиз ёки йўқ бўламиз».

Қонунчилик палатаси депутати Алишер Қодиров шаҳар ҳокимини барчага ўрнак қилиб кўрсатди:

«Ҳар бир раҳбар шундай фикрласа, бизни ҳеч ким тўхтатолмайди!»

Биз нима дердик, депутат ва ҳокимнинг сўзаларидан сўз ясаймиз:
− Ҳар бир раҳбар шундай фикрламаса – йўқ бўлсин!

Барча ҳокимларга мурожаат қилмоқчиман, қани нечта ҳоким Жаҳонгир Ортиқхўжаевдек мард бўлиб, мана шу сўзларни айта олади:

− Менга ва командамга пора керак эмас!

Каримберди Тўрамурод

Изоҳ қолдириш

Ваш e-mail не будет опубликован. Обязательные поля помечены *